December (Pawltlak) 2015

Kum tawp, kum 2015 chhunga thla tawp ber chu kan thleng leh ta der mai. Hun hian tumah a nghaklo kan ti fo a, a duh dan dan hian min herpui sawk sawk mai chu a nih ber hi! Duh lo sateh mah ila, kan pang a dama, kan nunnain min la luah chhung chuan kan hmang zo tho tho dawn chu a ni si a.

    I hun hman dan hrang hrang kha han inngaihtuah let la, i lawm em? Kumthar tirah te khan thutiam(plan) i nei duah pawh a ni mai theia, kha’ng tihlawhtling turte khan ke i pen tawkin i inhria em? I tihtheih leh hlen theih reng kha i lo ti lo fo mai zawk a ni lo maw? Mahse, a la tlailo e. Hun hian liampui thuai se, hma thar lakna hun \ha i nei zawk dawn a lo ni asin.

    I thiltih kawng hrang hrangah khan i beidawngin, lungngaiin kum ilo chhiar pawh a ni thei. Remna thlentu Remna Lal hian itan kumtawp i thlahna Remna duhawm nun chu rawn thlen che se la, i hun kaltawha i thiltih fuh loh hrang hrangte siam\hata a lo awm zel tawh zawk theih nan i tuang tichhah la, i ke kha hmalam panin pen khatin han pen leh hlek teh le. A hlawkzia chu i hmu thiam nghal mai ang.

    Zirlai i ni emaw, hnathawk i ni emaw i hma hun hi a eng zawng leh a hlimawm zawng zela i thlir thiam phawt chuan i nunah a lang anga; beiseina sang tak nei la, chumi tihlawhtling tur chuan theihtawp chhuahin \ang fo \hin bawk ang che. Kum hi a liam anga, a lo thar leh \hin ang. Tin, chhuan thar an lo lang zel bawk anga, chu’ngte tana kawng khat tala malsawmna leh kawng dik an zawh theih nana kawhhmuhtu i lo nih ve theihna turin i dinhmun tur thlir lawk thiam la, awm awl a ei tui ngawt suangtuah mai lovin thawhrima nawmsak hun thlir thiam turin he kum hi thlah la, kumthar lo thleng mai tur hi hmachhawn bawk ang che.

    Krismas 2015 leh Kumthar 2016 hlim tak leh lawm tak, a \ha zawnga chhinchhiah reng tlaka in hman vek theih nan duhsakna ka hlan a che u.