SCHOLARSHIP FEBRUARY 2016 CHUAN SEM HMAN TUM A NI:

13th Jannuary 2016 khan MZP hruaitute chuan Mizoram Scholarship Board hruaitute hmuin, Scholarship chungchang an sawipui a ni.

Pu JH. Zoremthanga Secretary Mizoram Scholarship Board chuan, “Ni 31st December , 2015 ah Ministry of Tribal Affairs Tribal Scholarship chuan Mizoram zirlaite tan Rs 49,27,90,600 a release a, he Release order 7th Jannuary, 2016 ah Mizoram Scholarship Board chuan an hmu chauh ani”. a ti a. Mizoram Sorkar hian he Post - Matric scholarship-ah 10% a tum tur a ni a, Mizoram Scholarship Board in 10% sawrkar atanga pe turin Planning -ah leh finance dept. ah an dil mek a ni. Central Sorkar hian pawisa Sanction mahse Mizoram Sorkarin a tih tur a tih fel hma loh chuan pawisa faiin anla pe lo a ni. MSB hotute sawidan chuan February 2016 thla chhunga sem hman an tum thu an sawi a. Kum hmasa lamah Scholarship pek double a tam avangin hetiang a thlen tawh loh nan Bank thuneitute nen Meeting a felfai taka sem tum a ni.

Minority Scholarship bik chu Online a dil a nih avangin Central Sorkar hian Demand neuh neuh a neih avangin hemi a Document fel lo dilna tamtak an hnawl niin MSB hotuten an sawi ani.