ASSAM FOREST LEH ASSAM POLICE TEN MIZORAM CHHUNG RAMRI A BUAINA AN RAWN SIAM FO HI MZP CHUAN THALO A TI HLE

    MZP chuan Mizoram chhung a Assam Forest leh Assam Police ten harsatna an rawn siam fo chu thalo a tih thu te, Scholarship chungchang hmalakna kal mek te leh MSU hmalakna a thlawp thu heng  a hnuai a mi ang hian thuchhuah a siam.

PRESS RELEASE

    Vawiin 21th January, 2016(Nilaithawhtan) chawhma lam khan Bairabi-a Pu Ch.Chhunga leiletah Assam Forest leh Assam police te chuan leilet a hnathawkte tibuaiin an umdarh a. Hetianga Mizoram chhung ngeiah Assam lamin harsatna leh buaina an rawn siam fo mai hi MZP chuan tha lo a tiin, Mizo mipuite min thamlohna leh zahloh na lian takah a ngai a. He thil thleng hian MZP rilru a tina hle a ni.     Ramri-a buaina thlen chungchang hi  MZP in a hriat ve leh President chamber-ah Emergency Meeting neih nghal a ni a, ralkhat atanga en liam ngawt chiah ngai lovin vawiin tlai dar 1:30pm khan a hmun ngeiah kala thil awmdan enchiang turin MZP Vice President leh mi engemawzatin Bairabi lam an pan nghal a ni. 

    Kan ram chhung ngeiah hnamdangin buaina an siam a, huangtua taka min tibuai ngam ta fo mai hi MZP chuan na a tiin, a kham tawh tak zet a. Ramri-ah buaina an siam a, min rawn tibuai fo a nih chuan buaina lian zawk pawh  lo chhuak se an mahni cho chhuahah MZP chuan a ngai dawn a. Ramri venhimna kawngah hian Sorkar leh mipuite pawh thangharh leh zual turin MZP chuan a ngen bawk a ni.           

     Nimin  ni 20th January, 2016 (Nilaini) khan MZP chuan zirlai ten a rang lama Scholarship an dawn theih dan tur  chungchan sawipuiin Mizoram scholarship board Secretary chu a office ah lenchilh a, Secretary nen hian inkawmna hun tha tak neih a ni a. Zirlai ten Scholarship an lak thuai theih nan hian Mizoram Sorkarin an tum ve tur (State maching share) 10% pawh Sorkarin pek vat an tum thu leh Scholarship dawng tur hming list tarchhuah hman ngei an tum thu Secretary hian MZP hruaitute alo hrilh a. MZP hruaitute hian Scholarship file thlen chin hi a umzui reng bawk a ni.   

    Zirlaite hmakhaw ngaia, zirlai ten a rang thei angbera Scholarship an lak theih nana Mizoram Scholarship Board Secretary leh a thawhpui ten hma an la a, rim taka an thawk hi MZP chuan lawmawm a ti hle a. Zirlaite tan dik leh felfai taka thawk chhunzawm zel turin duhsakna a hlan bawk a ni. 

    Tin, MZP chuan mi bik takte an nih lem loh chuan Sorkar hnathawk pension tawh rawih nawn fo hi hman atang tawhin alo duh lo tawh thin a. Tuna sawrkar hnathawk pension tawh vawihnih lai Sorkarin a rawih nawn vanga duh lohna lantir mek kan unau MSU te hmalakna hi MZP chuan a thlawp a ni.
    Sd/-
(HMANGAIHHLIMA)
Secretary i/c Publicity