Aizawl City College Joint Students' Union (ACCJSU) ten MZU V.C an hmu

Aizawl City College Joint Students' Union (ACCJSU)  General Secretary Malsawmsanga chuan heng a hnuai a mi ang hian thuchhuah a siam.

Aizawl City Colleges Joint Students' Union(ACCJSU) hruaitute chuan vawiin Ni 1- February- 2016 hian Mizoram University (MZU)  Vice Chancellor Prof. Dr Lalthantluanga chu a Office-ah hmuin Mizorama Post Graduate zirna kan indaih loh nasat em avangin Pachhunga University College-ah Post- graduate course zirna hawn belh chungchang sawipui niin Vice Chancellor hnenah hian theihtawpa hma min lakpui tura ngenna thlen a ni a. MZU Vice Chancellor hian kan ngenna chu thuneitute hnena min thlen sak tur thu min lo hrilh a ni.

ACCJSU chuan MZU Vice Chancellor in min lo dawnsawn danah lawmawm kan tihle a, a hma lakna zarah post-graduate zirna hawn belh ngei a nih kan beisei tlat a ni.

ACCJSU hruaitute hian Secretary, Sports Department, MZU hmu bawkin. MZU Annual Sport Meet neih leh turah Regular Students chauhin Infiamna an hmachhawn theih nan 'Sport Eligibility Criteria' chungchang sawipui a ni a. MZU Sports Department Secretary hian Sport Eligibility Criteria chungchangah hian hma lakpui ngei min lo tiam bawk avangin a chungah lawmthu kan sawi bawk a. A hmalakna zarah tun atang chuan regular students ngeiin MZU Sport Meet an hmachhawn ngei kan beisei tlat dawn bawk a ni.