MZP IN LALRINTLUANGI THLAHNA HUN HMANG:

Lalrintluangi Govt. KM higher secondary school a class 12 zirlai Mount Everest lawn tura thlan chhuah chu nimin 19.2.2016 khan MZP chuan MZP Conference hall MZP Pisapui ah thlahna hun an hmang a. He hun hi Pu B. Vanlaltana Vice President in a kaihruai a ni.

Lalrintluangi thlahna huna thusawitu Pu Lalsangzuala Ngente, President MZP chuan," khawvel hmun hrang hranga Zofate aiawh a Mount everest ah i lawn dawn a ni a, I tum ram mount everest hi lawn chhuak ngei turin MZP chuan duhsakna kan hlan che a. Zofa zawng zawngte hian kan lo ngaichang thup dawn che a, kan lo tawngtaipui reng dawn che a ni." a ti.

He huna thusawitu dang Pu Vanlalliana chuan,"Lalrintluangi hi a zirlaipui ten in chawimawi a Programme in siamsak hi lawmawm ka ti hle a ni. Mount everest lawn hi a harsa em em a expenditure pawh a sang duh hle a ni. Mizo thalai te adventure lama kan thanharh a hun tawh hle a, hnamdang pawhin an theih chuan Mizo thalai te pawh hian kan thei a ni tih inhria ila. Kan tum phawt chuan tih theihloh a awmlo a ni tih kan hriat ka duh khawp mai. Mzp in thlahna hun min siamsak hi kan lawm hle a ni."a ti bawk.

Lalrintluangi chuan,"Mizo mipui zawng zawng ten min phur pui hle hei hi ka tan chuan a lawmawm hle a, ka kalna turah pawh min lo tawngtaipui reng turin Mizo mipui zawng zawngte ka sawm a ni. Pathian in min tanpui tlat anga Pathian zara ka lawn chhuah theih ngei ka ringa Mount everest lawn chhuak mgei thei tur hian minlo tawngtaipui lehzel turin Mizo mipui zawng zawngte ka sawm a ni."a ti bawk. Lalrintluangi hian Pathian zara a lawn chhuak thei a nih chuan mount everest chhip ah MZP flag dah a tum thu a sawi bawk a ni.
MZP chuan Nl. Lalrintluangi hi a tul ang apianga a hman atan Rs. 5,000 MZP President Pu Lalsangzuala Ngente chuan a hlan a ni.