Thingdawl | 19 April 2016 : Mizo Zirlai Pawl Sub-Hqrs Thingdawl chuan nimin 18 April 2016 , Dar 10:00 khan Govt Thingdawl High School ah Sub-Hqrs Conference Cum Thingdawl Students Meet an hmang a, Pu Lalrintluanga, Manager, Horticulture Centre, Pu Mana Samte, Manager, Model Organic Farm(Agri) leh Pi Juliet Lalthanpuii , Manager, Highway Restuarant , thingdawl ten Khuallian leh Resource Person kawpin an hmanpui.
Sub-Hqrs Conference cum Thingdawl Students Meet hi Thingdawlah a vawikhat thlenna a ni a. Pu V Lalchungnunga, Vice Prez, MZP Sub-Hqrs Thingdawl in kaihruaiin , Pu Rev Lalrinfela Pachuau, Bialtu Pastor, PCI Thingdawl Pastor Bialin Conference hawnna a nei a. Pu Ricky VL Peka, Secretary in Report ngaihnawm tak pein khualliante a lawmlut. Pu H Lalthuthlunga Zate, Prez in Presidential Address pein 'Kan hun Liam tawhah kan kir leh tur a ni lo . MZP hian ze tawp tak tak lo nei tawh thin mahse, kumin atang chuan mzp, zirlaiten belh tlaka an ngaih, zirlaite tana Belh tlak ngei chu nih kan tum a. chumi atana rahbi hmasa ber atan vawiin hian Conference leh Zirlaite intawhkhawm kan buatsaih a ni.' a ti a,' harsatna leh hMuhsitnate hi intahhriamna atana kan hman zawk a tul a ni' tiin a thusawi a tlip.
Pu Lalrintluanga'n Horticulture lama Zirna hlawkna thia takin a sawi a, zirlaiten an hlawkpui hle. Pu Mana Samte pawhin Agriculture lamah Zirna hlawkna leh a kaihhnawih thilte a sawi a, zirlaiten bengvarthlak an ti hle. Pi Juliet Lalthanpuii pawhin Hospitality lama Zirna hlawkna leh a kaihhnawih thilte sawiin ' tawng thiam a pawimawh ziate, taimakna, hawihhawmna leh mi biangbiak thiam a pawimawh ziate a sawi'. He meet hi Zirlaiten an hlawkpuiin hlawkthlak an ti hle. Sanitation & Nutrition CCommittee te hun hman an dil angin hun pek an ni a,Pi Lalnunthari, CDPO - in thu a sawi. HSA Thingdawl Unit hruaitute pawh sawm an nih angin zirlaite tana fuihna thuchah tha tak mai an President, Pu Alex Khawzawl in a sawi a. Tv Joy Khawzawlin a rawn tawiawm.
Chawhma hun hman zawh a nihin chawhnu lamah MZP Branch 3, Thingdawl North Branch , Thingdawl South Branch leh Bualpui branch te hawnna neih a ni a. Thingdawl khuaa branch 2 hruiatu tur thlan nghal a ni a. Pu Lalhmingthanga Pautu, Village Council Member, Thingdawl leh MZP Sub-Hqrs Thingdawl hruaitu hlun, Tuna Sr Adviser ni mek chuan inthlan a kaihruaia inthlan neih zawhin thlan tharte tawngtai sakin hun tihtawp a ni.
He Conference a hian Zirlai harsa, mi 3 tanpui an ni. 1 Mathematics leina man tur pek a ni a, 2 erawh chu Zirlaibu zawng zawng man zatve a chhutin cheg 350 pek an ni.
Tunah hian MZP hian zirlai harsa tanpui ngai, tanpui tur 3 ala nei mek a. MZP Sub-Hqrs Thingdawl hian Middle Section leh High School leh Higher Sectiontan Essay inziahsiak buatsaih mek a. 22 July 2016 khian Zirlai tithate chawimawina neih an tum bawk.
No comments:
Post a Comment