MZP SUB-HQRS THINGDAWL THUCHHUAH

MZP Sub Headquarters Thingdawl chuan heng a hnuai a mi ang hian thuchhuah an siam;
(PR-3 | 29 April 2016)

Mizo Zirlai Pawl  Sub-Headquarters, Thingdawl chuan Govt Thingdawl High School a zirtirtu leh 4th grade indaihlohna hi a ngaimawh hle a. Mathematics zirtirtu an neih loh hnuah khawtlang hruaitute hmalakna vangin pek an ni leh a, MZP chuan  lawmawm a ti hle a. Chutihlai mek a a thawhna hluia let leh tura sawrkar lam atangin thupek chhuah a ni leh ta mai hi MZP Sub-Hqrs Thingdawl chuan pawi a tiin inthamlohna leh zirlaite hma ngaihlohnaah a ngai a, mathematics zirtirtu hi a ranglama dah turin leh zirtirtu dang leh 4th grade indaih lo pawh a ranglama ngaihtuah turin Mizo Zirlai Pawl Sub-Headquarters, Thingdawl chuan a phut tlat a ni.