MZP HRUAITU TE LEH MANIPUR AGAINST ANTI TRIBAL BILLS JAC TE INKAWM

Vawiin ni 28th April, 2016 (Nilaini) chawhnu dar 1:00 khan MZP Conference Hall, MZP Pisapui-ah MZP hruaitute leh Manipur Joint Action Committee Against Anti Tribal Three Bills hruaitute chuan inkawmhona an nei a. He hun hi B. Valaltana, Vice President, MZP in kaihruai a. Pu H.Mangchinkhup, Chief Convener, JAC Against Anti Tribal Three Bills leh Pual Lalchhanhima, Asst. Secretary JAC Against Anti Tribal Three Bills leh L. Ramdinliana Renthei, General Secretary, MZP ten thusawina hun an hmang a. JAC Against Anti Tribal Three Bills hruaitute hian MZP hnenah hian lawmthu sawina Memento an hlan bawk a ni.

He huna thusawitu Pu Pu H.Mangchinkhup, Chief Convener, JAC Against Anti Tribal Three Bills chuan, “Tuna Mizoram a lo kal te hi JAC Against Anti Tribal Three Bills hruaitute kan ni a. He bill hi pass a nihloh nan tun thlengin kan la buaipui char char a, kan hmabak hi agitation a ni leh tawh a, tunah hian kan chawl thei lova JAC chuan theihtawp chhuah hma ala zel dawn a ni. Mizoram atangin support kan dawng tha hle a Mizoram mipuite chunga lawmthu kan sawi tak meuh a ni. He buaina hi Churachandpur buaina a ni lova Tribal zawng zawng buaina a ni. Tawp san kan tum lova theihtawp chhuah a beihzel kan tum a, kan hmalak lehzel na turah hian MZP ten minlo pui tawh thin bawk a min pui lehzel tur pawhin ka sawm che u a ni.”a ti.

He huna thusawitu dang Pu L.Ramdinliana Renthlei General Secretary MZP chuan,”Manipura kan unaute buaina hi Zofate kan inpumkhat lehzual nan hman ni se tih hi MZP chuan a duh hle a. JAC Against Anti Tribal Three Bills hruaitute hian in ti tawh a tawp san mai lovin theihtawp chhuah in bei zel turin ka chah duh che u a. Manipura kan unaute in buaina leh harsatna hi kan hriatpuiin kan tawmpui che u a. MZP chuan kan buaina leh harsatna ah kan ngai a ni. He buaina leh harsatna ah hian tih theih kan nei a nih chuan MZP chu kan tlanchhe dawn lova theihtawp chhuahin kan pui zel dawn che u a ni.”a ti.

Paul Lalchhanhima Asst. Secretary, JAC Against Anti Tribal Three Bills chuan.”He bills hi Zofate kan inpumkhat nana Patian ruatah kan ngai a, buaina han neih tak tak chuan Zofate Jerusalem Mizoram hi kan ngai thin khawp mai, kan kal lehzel na turah pawh Mizoram mipuite min support zel turin ka sawm a ni.”a ti a. Paul Lalchhanhima chuan Mizoram mipuite min puihna ah lawmthu kan sawi tak meuh a ni a ti bawk.