MZP IN COLLEGE OF VETYNARY SCIENCE & ANIMAL HUSBANDARY SELESIH HNALAK DIK TAWKLO CHUNGCHANGAH HMA A LA

MZP chuan ni 22th April, 2016 (Zirtawpni) khan College of Veterinary Sciences & Animal Husbandary, Selesih a hnalak chungchanga thil dik tawk lo awm hrang hrangte zirchiang turin a hmun ngeiah han kal chilhin Dr. D.Kathiresan, Dean chu a Office ah thil awmzia sawipui a ni a. Vice Chancellor hnenah lehkha thehluh nghal a ni bawk ni. North East a Central Agriculture University (CAU), hnuaia College of Veterinary Sciences & Animal Husbandary, Selesih Mizorama thawk tur Medical Attendant post hnawhkhah tura kum 2012 a advertisement chhuah tawh zawk pawh tun thlenga lak a la nih loh laia kum 2011 a College of Agriculture, Central Agriculture University (CAU), Manipur-a thawk tura advertisement chhuah a diltu mi pahnih Ms. Khondram Shantibala leh

Ms. Ningthoujam Bheugyabati te Central Agriculture University (CAU),College of Veterinary Sciences & Animal Husbandary, Selesih Mizorama thawk zawk tura Vice Chancellor in order a tichhuak ta daih hi MZP chuan a duh lo tak zet a ni. MZP chuan Order a chhuah tawh hi sut leh ngei turin Vice Chancellor a ngen a, Mizorama thawk tura an tih tak mi pahnihte pawh hi joining report pe lo turin a lo ngen tawh a.

MZP te ngenna ngaipawimawh lovin leh Mizorama thawk tura an tih tak mi phanihte pawh joining report pe lo tura MZP in a lo ngen Ms. Ningthoujam Bheugyabati chuan ni 27th April 2016 chawhnu dar 3:30 khan College of Veterinary Sciences & Animal Husbandary, Selesih ah joining report a lo pe tih MZP chuan a hria a. MZP in joining report pe an awm tih a hriat vela a hmuna kal in Dean, Dr. D.Kathiresan chu hmuh a ni a. Ms. Ningthoujam Bheugyabati joining report hi cancel lehnghal tura ngen a ni a, Dean, Dr. Kathiresan chuan ama thu a cancel thei a nih loh thu leh Vice Chancellor thu a nih thuin min lo chhang a, MZP chuan hei hi hrethiam lovin joining report lehkha chu pawhchhiat sak a ni a. Dean, Dr. D.Kathiresan hnenah hian joining report an lo pe a nih pawhin lo dawngsawng lo turin hriattir nghal a ni bawk a ni.

Hemi chungchangah hian ni 28th April 2016 khan MZP chuan Medical Attendant pahnih appointment order cancel a nih leh nihloh a ngaihven leh a, engmah thu leh hla a awm loh avangin MZP chuan ni 29th April 2016 khan Dean, Dr. D.Kathiresan chu han hmuh leh a ni a. Dean, Dr. D.Kathiresan office atang hian Vice Chancellor pawh Telephone hmanga biak a ni a, Vice Chancellor hian MZP te chapo taka min chhan avangin MZP chuan Vice Chancellor message pekna ah ngaiin Dean, Dawhkan chu suamsam a ni a. Hemi chungchang ah hian Aizawl DC in joint meeting a ko a, meeting ah hian thutlukna mumal siam a ni lo a ni.

Central Agriculture University(CAU), Imphal in a hnuaia thawktu tur lakna dan (Recruitment Rules) leh Service Rules mumal tak tun thlenga an la nei lo hi MZP chuan tha lo a ti hle a, Recruitment Rules leh Service Rules felfai tak nei thuai turin a ngen nghal bawk a ni. Central Agriculture University (CAU), hnuaia College of Veterinary Sciences & Animal Husbandary, Selesih Mizoram-a hnalak a nih dawn reng rengin Mizorama chanchinbu lian leh rintlak deuh deuhah te Advertisement chhuah tawh thin turin MZP chuan CAU, Imphal thuneitute a ngen a. Thuneitu ten ram leilung fate aia an hnampuite an duhsak fo a nih chuan buaina leh thil duhawm lo zawk thleng thei reng a nih thu MZP chuan a hrilh hre nghal bawk a ni.

MZP chuan College of Veterinary Sciences & Animal Husbandary, Selesih-a thawk tur lak chungchangah hian thil fel tawk lo leh thuneitu ten ram leilung fate aia an hnampuite duhsakna hleihluak tak a awm ngei niin a hria a. MZP chuan he thil hi a duh lo in, tha a ti lo hle a. Tling leh tlak an awm a nih chuan ram leilung fate ngei la thin turin thuneitute a ngen a ni. College of Veterinary Sciences & Animal Husbandary, Selesih a thawk tur reng reng hmun dang atanga la tawhlo turin kan ngen nghal bawk a. Tun atang chuan College of Veterinary Sciences & Animal Husbandary, Selesih Central Agriculture University (CAU) a hnalak reng reng MZP chuan a vil zui zel tawh dawn a ni.

Issued by: Mizo Zirlai Pawl(MZP) General Headquarters: Aizawl