Dated Aizawl, the 25th April, 2016.Vawiin Ni 25th April, 2016(Thawhtanni) hian MZP Unification Tourneia Tahan khua Myanmar a cham mek Pu Lalsangzuala Ngente President MZP General Headquarters leh MZP hruaitu dangte chuan Engineering College Tahan leh Kalay University, Tahan tlawh in Kalay University leh Engineering College Tahan zirlai hruaitute nen inkawm hona hun tha tak an nei a ni.
MZP hruaitute, Engineering College Tahan leh Kalay University zirlai hruaitute chuan zirna chungchanga intih hmasawn tawn dan turte leh inpawhna tha zawk neih a nih theih nan zirna inchhim tawn dan turte sawiho a ni a. Heng bakah hian Kalay University zirlaite leh Mizo zirlaite Cultural exchange neih ho dan turte sawihoa ni bawk a ni. MZP hruaitute, Engineering College Tahan leh Kalay University zirlai hruaitute hian in pawh tlang takin inkawmna hun an nei a, hun lo la awm zel tura pawh zirna chungchang leh culturalexchange chungchang ah thawh ho zel nise an ti a ni.
MZP hruaitu mi 10 te hian Kalay University leh Engineering CollegeTahan-ah hun an hman zawh hian Khampat Bung tlawh a, a humhalh dan tur leh Tuilian in Khampat Bung hi a lakloh nan a ven dan turte an en nghal dawn bawk a ni.
Tin, MZP chuan kan Zofa unau zinga Boxer hlawhtling tak MC. Mary Kom chu India rama rorelna sang; Member of Parliament, Rajya Sabha atana ruat thar a ni hi kan chhuangin kan lawmpui tak zet a. A hmalam hun zelah hlawhtlinna tam zawk a chan theih nan duhsakna sangber kan hlan a ni. MC. Mary Kom hi MZP chuan khawvel pumhuapa Zofate ti hmingtha tu anih avangin kum 2006 khan Zofate inkhawmpui lian ZOFEST Aizawl AR Lamual-a neih ah leh kum 2012 ZOFEST Darchawi Tripura-a neih ah te chawimawinakan lo hlan tawh nghe nghe a ni.
No comments:
Post a Comment